Endelig er aktiv med jobben aksjonen avslutta. Stegteljaren har no avgått med døden, og champagnen er spretta! Det har blitt snaue 750000 steg i konkurranseperioden, noko som ser ut til å bidra til at laget laget får ein forholdsvis hyggeleg plassering i den nasjonale konkurransen. Spenninga blir no om Maja har droppa søvn og familie for å ta igjen min lille margin dei siste to dagane. Uansett er det med eit lettelsens sukk at joggeskoene no vert plassert på hylla i ein periode!
Men - rett skal vera rett. Det har faktisk blitt nokre fine turar også. Forrige helg vart det nok ein tur over vidda, men denne gong rusla eg bort til Menneskerettighetsvarden, med fantastisk utsikt ned mot Bergen og utover vidda. I tillegg har eg vore på tur til Dronninga og på skogsvegane nedover mot Ask. Dette viste seg jo å vera eit fint turområde som nok vert besøkt igjen når den verste senebetennelsen har lagt seg...
Ingen kommentarer:
Legg inn en kommentar