Endelig!

Endelig er aktiv med jobben aksjonen avslutta. Stegteljaren har no avgått med døden, og champagnen er spretta! Det har blitt snaue 750000 steg i konkurranseperioden, noko som ser ut til å bidra til at laget laget får ein forholdsvis hyggeleg plassering i den nasjonale konkurransen. Spenninga blir no om Maja har droppa søvn og familie for å ta igjen min lille margin dei siste to dagane. Uansett er det med eit lettelsens sukk at joggeskoene no vert plassert på hylla i ein periode!

Men - rett skal vera rett. Det har faktisk blitt nokre fine turar også. Forrige helg vart det nok ein tur over vidda, men denne gong rusla eg bort til Menneskerettighetsvarden, med fantastisk utsikt ned mot Bergen og utover vidda. I tillegg har eg vore på tur til Dronninga og på skogsvegane nedover mot Ask. Dette viste seg jo å vera eit fint turområde som nok vert besøkt igjen når den verste senebetennelsen har lagt seg...

Aktiv med jobben

Også i år har eg meldt meg på Aktiv med jobben-aksjonen. Kort fortalt går dette ut på å samla mest mogeleg steg i løpet av ein måned. Needless to say våkner konkurranseinstinktet blant NE'arar, og innsatsen er stor når me går inn i andre halvdel av konkurransen.

På laurdag drog me difor på oss joggesko og la i veg frå Svartediket, over vidda til Ulriken i strålande vêr. Dagen vart avslutta med alternativ stegsanking på ein av Bergens utestader utover kvelden, og totalen kom opp i heile 54000 steg - som er personleg dagsrekord. Dessverre hadde både Maja og Åse endå betre resultat denne dagen, så også søndagen måtte brukast for å halda damene bak meg på statistikken. Totalt traska eg i overkant av 100000 steg frå fredag til søndag, så dette endte opp som ei svært god treningshelg.

Langhelg i Berlin

Har hatt ei flott langhelg i Berlin, som var bursdagspresangen til mamma i år. På den korte tida fekk me med oss det viktigaste - tv tårnet, unter den Linden, Brandenburger Tor, Riksdagsbygningen, samt nokre museum. I tillegg klarte eg å lura inn ein joggetur i Tiergarten før frokost ;) Totalt gjekk me godt over 60000 steg, som vart nøye loggført pga aktiv med jobben-aksjonen..... (puh)

Den ultimate sykkelopplevinga

Så er den ultimate sykkelopplevinga bestilt! 9. juli reiser eg saman med Åse og Maja til Dolomittane - ei gruppe på 30 fjellmassiv i Italias mest naturskjønne fjellområder. 646 kilometer og 14692 høgdemeter fordelt på åtte dagsetappar. Tenkjer lårmusklane skal få kjørt seg på denne turen! Høgaste pass er Passo dello Stelvio med sine 2767 meter.  

Dette blir fantastisk!

Berre for å gje eit lite inntrykk av motebakkane som venter, kan ein jo kikka på biletet under. Den som skulle vera frista til å hevda at me velger ei lett reise, er velkommen til å følga med!

Du kan lesa meir om turen på BergOdal